أسس إختيار شريك الحياة

أسس إختيار شريك الحياة

يوجد أسس لابد أن نتبعها حتى نستطيع إختيار شريك الحياة بصور جيدة.. ومن ضمن هذه الأسس..

١-  كيفية الإهتمام الحقيقي بجانب الإستجوابات.. من ناحية الزوجين..
الزوجه التقليديه.. عادة ما تذهب هذا النوع من الزوجات إلى أن تسأل زوجها الأسئل المعتادة ومن ضمن هذه الأسئلة..
-  كنت فين ؟ هترجع امتا ؟ هات عيش معاك ؟ كله ده لسه في الشغل ؟
-  مامتك قالتلك ايه ؟ مين الموظفه الجديده ديه ؟ مطول ؟
الزوج التقليدي.. يسأل أيضا هذا النوع من الازواج أسئلة معتادة زوجاتهم ومن ضمن هذه الأسئلة..
-  اتأخرتي ليه ؟ عملالنا ايه على الغدا ؟
-  ايه اللي انتي لابساه ده ؟ هتخرجي مع مين ؟
ويوجد أنواع أخري من الزوجات ويطلق عليها الزوجه الصاحبه .. وهذا النوع يقوم بإطلاق الكلام الجميل ليأسر به مشاعر الزوج وذلك عن طريق..
-  على فكره وحشتني . عملالك مفاجأه لما تيجي
-  خد وقتك يا حبي انا كمان بعمل بحث عن حاجه مهتمه بيها
-  طمني عليك يا قلبي بقلق عليك اوي والله
أما من ناحية الزوج الصاحب.. فهو يستطيع بسهولة أن يشغل قلب وعقل زوجته وذلك عن طريق بعض الكلمات الرقيقة..
-  إتبسطي مع صحباتك
-  انا بثق فيكي اوي
-  اي حاجه هتعمليها اكيد هتبقا تحفه
-  شيك اوي بس الطقم التاني احلى عليكي
٢-  كيفية المشاركه الحكيمه وبجانبها الأنانيه الغبيه..
الزوجه التقليديه.. دائما ما تترك زوجها بدون أى اهتمام ولا تستطيع أن تتكيف معه وتجعله يشاركها أوقاتها.. ودائما الردود جافة فمثلا..
-  مش فاضيه . بتفرج على الفيس
-  ايه ؟ مش سامعاك . انا بتفرج جوه على المسلسل
كثيرا ما يفتقد الزوج زوجته وبالتالي لا يستطيع قول هذه الجملة لها.. عارفه يا بنتي . انتي صاحبتي اللي بحب اتكلم معاها في كل حاجه .

كذلك الزوج التقليدي.. لا يستطيع أن يشارك زوجته أفكاره وأوقاته دائما لغيرها فمثلا..
-  مش دلوقتي . اخلص اللي بعمله على الموبايل واجيلك
-  هروح القهوه اتفرج على الماتش
-  هكون بعمل ايه يعني؟ مانتي شايفه بلعب على الموبايل
أما بالنسبة للزوجه الصاحبه.. فتكون كلامها مثلا..

-  عاوزه اتفرج معاك على الماتش يا حبي
-  على فكره انا حجزت ساعه اسكواش في النادي . قلت نجرب
-  المرادي مش هتغلبني لاني هلعب بريال مدريد
أما الزوج الصاحب..
-  ايه المسلسل اللي بتتفرجي عليه ده . شكله حلو
-  قولي يا جميله . انا بحبك تحكيلي . طريقتك في التعبير عن الكلام تحفه اساسا
-  بقولك ايه . ماتدوي العيال يوم الخميس عند اختك . عاوز اعزمك على العشا وبعدها نروح سينما .
٣-  الحرية المحسوبه بجانبها الخنقه المقرفه..
فالزوجه التقليديه ..
-  انتا كل شويه مع اصحابك ؟
-  عاوزين نروح لماما بقا
أما الزوج التقليدي ..

 - يعني ايه تخرجي مع صحباتك ؟
-  كل شويه ماما ماما
 - انتي بقيتي خنقه ونكديه
والزوجه الصاحبه..
-  لا يا حبي . روح معاهم . انا مستوعبه اهميه الموضوع
-  انا عارفه انك بتوازن الامور . انا واثقه انك زوج رائع
-  انا محتاجه وقت لوحدي ارسم و ألون فيه
والزوج الصاحب..
-  بصي . سبيلي الولاد النهاده واطلعي مع صحباتك انتي محتاجه ده اوي
- طيب هنروح لماما ساعه كدا وبعدها نطلع على المكان اللي بنحب نقعد فيه
٤-  أساليب الدعم بجانبها الحكم عليه..
أما الزوجه التقليديه ..
-  لا طبعا اللي انتا بتعمله ده غلط
-  على فكره انا قولتلك ان الموضوع ده هيحصل وانتا مسمعتش كلامي
-  شوفت بقا
أما الزوج التقليدي ..
-  علشان لما اقولك حاجه تبقي تصدقيها
-  اشربي بقا
-  على الله الموضوع ده يتكرر
والزوجه الصاحبه .. تدعم زوجها بشكل كبير وذلك عن طريق..
-  حبيبي . انا متأكده انك عملت اللي عليك . متقلقش
-  عاوزاك متفكرش في اي حاجه دلوقتي . انا هملالك البانيو مايه سخنه
-  مع بعض هنلاقي حل وان شاء الله ربنا هيفرجها
والزوج الصاحب.. يدعم زوجته بكل الطرق فمنها..
 - تعالي في حضني . عاوز احضنك كتير
-  متفكريش في الموضوع و تعالي معايا انا عازمك على العشا
-  اللي حصل ده خير وان شاء الله نتعلم منه علشان المستقبل
٥-  طرق الاعجاب بجانبها التقطيم..
الزوجه التقليديه..
 - شايف جوزها مهنيها ومدلعها ازاي
-  هوا احنا ليه مش زيهم
 - انتا ليه مش بتخرجي وتفسحني
يرد عليها الزوج التقليدي ..
-  شايفه البنات
-  انتي طخنتي اوي بجد
-  حتى التربيه مش نافعه فيها
أما الزوجه الصاحبه..
-  انا مبسوطه معاك بجد
-  انا مؤمنه انك هتعمل افضل حاجه لينا
-  ايه رأيك نحدد

يوم في الشهر نتعشى فيه بره مع بعض
أما الزوج الصاحب ..
 - إيه رأيك ننزل نتمشي كل كام يوم ساعتين
-  أنا حجزت ورشه عمل أساسيات تربويه
 - إنتي اجمل وأروع زوجه . ربنا يعلم انا بحبك قد ايه